Vlorë- Një akt dhune i konsumuar në rrugë është filmuar nga kalimtarë të rastësishëm. Videoja po bën xhiron e rrjeteve sociale duke ngjallur indinjatë të madhe tek qindra e mijëra qytetarë. Mësohet se burri ën fjalë i quajtur Ilir Paja është arrestuar nga policia e Vlorës.
Mësohet se nëna e tre fëmijëve, dy prej të cilëve i kishte me vete po kthehej nga tregu kur është ndeshur në rrugë rastësisht me ish-burrin. Gazetarët lokalë të qytetit të Vlorës thonë se çifti kishte tre vjet i divorcuar deh gruaja mezi i rriste tre fëmijët e mitur për shkak të mungesës së të ardhurave.
Ata kanë pasur një debat mes tyre në rrugë më pas burri është nervozuar se gruaja në një moment e ka shtyrë. Pjesën tjetër të aktit të rëndë e tregon më së miri video, se si ky burrë versulet mbi nënën e fëmijëve të tij, të cilët ulërasin, por as thirrjet e tyre nuk i dëgjon.
Njoftimi i policisë
Arrestohet autori i dhunës së publikuar në rrjete sociale
Arrestohet në flagrancë për dhunë fizike ndaj ish-bashkëshortes së tij, shtetasi i quajtur:
– Ilirjan Pajo, 44 vjeç, banues në lagjen “11 Janari” Vlorë.
Shërbimet e Policisë së Vlorës kanë bërë arrestimin e menjëhershëm të tij pasi ky shtetas, rreth orës 10:00, në tregun e madh në lagjen “28 Nëntori” pranë “Alfa Bank”, për motive të dobëta, ka ushtruar dhunë fizike kundrejt ish-bashkëshortes së tij, shtetases me iniciale M.C., 38 vjeç, banuese në lagjen “24 Maji” Vlorë.
Arrestimi i këtij shtetasi u bë në dalje të qytetit të Vlorës në vendin e quajtur “Pus-Mezini”, duke tentuar t’u largohej shërbimeve të policisë.
[fbvideo link=”https://www.facebook.com/oltion.bardhi/videos/10206963307221781/” width=”500″ height=”400″ onlyvideo=”1″]
