Arqipeshkvi i Tiranë-Durrës imzot Xhorxh Frendo nga katedralja e Shën Palit ka përcjell urimin e Krishtlindjes për të gjithë shqiptarët. Teksa ka kujtuar historinë e lindjes së Krishtit, vështirësitë e Marias dhe Jozefit, duke e paralelizuar me kohët e sotme, arqipeshkvi kërkon që të mos humbasë besimi.
Mbi padrejtësinë fitohet, duke parë tek Krishti shpalljen e barazisë themelore të të gjithë njerëzve. Në një shoqëri padrejtësie e dhune edhe sot, ai predikon dinjitetin e personit, që kërkon t’i respektohet sidomos e drejta për jetën e jo vetëm kaq, por ajo për një jetë dinjitoze, e drejta për edukim dhe e drejta për formuar familje.”
Krahas urimit, imzot Xhorxh Frendo i është drejtuar edhe politikës me një mesazh.
Ne u gëzuam kur partitë politike ranë dakord për reformën në drejtësi – ishte shenjë pjekurie politike. I nxisim të angazhohen edhe më shumë për të kontrolluar plagën e korrupsionit dhe të drogës, dhe të tregojnë më shumë kujdes për të varfërit, që janë gjithmonë në zemrën e Krishtit.
Për herë të parë këtë vit në ditën e Krishtlindjes, në katedrale nuk do të zhvillohet pritje, me politikanë, por një dreke me njerëzit në nevojë.
