Gjykata e Tiranës ka vendosur sot masën e sigurisë arrest me burg për Vladimir Gjutën, personi i akuzuar më parë për vendosjen e tritolit në farmacinë e babait të ministrit Tahiri.
Ai akuzohet për dhunë në familje dhe thyerje e arrestit shtëpiak. Sipas njoftimit të Policisë, Vladimir Gjuta është arrestuar pasi ka dhunuar babanë e tij, shtetasin F. Gjuta.
Por ky i fundit teksa foli sot për mediat pas vendimit të gjykatës, ka ngulur këmbë në qëndrimin e tij mohues për dhunë të ushtruar nga i biri. Ai tha se nga shtëpia e kishte marrë djalin për një gëzim familjar.
“Po thuhen gjëra të paqëna…. jashtëzakonisht të këqija, të padrejta, nuk e dinin Kamza që ishte në arrest shtëpie, e kërkova ndihmën e policisë për ta shoqëruar në arrest shtëpie.
Doja ta shoqëroja djalin në shtëpi. Ça urdhërt mbrojtje pa u zënë me të? Pikërisht këtu jam më shumë i nervozuar, se burg le të bëjë sa të dojë, me ul imazhin tim, familjes e fisit tim, s’ja kam borxh kujt…Jam plotësisht i bindur se ka hile këtu”, tha babai i Vladimir Gjutës.
[fbvideo link=”https://www.facebook.com/GazetaPanoramaOnline/videos/1132900986773467/” width=”500″ height=”400″ onlyvideo=”1″]
