Studentja Mirela Ruko, pjesë e Lëvizjes “Për Universitetin”, sulmoi pasditen e të enjtes me salcë Ministren e Arsimit, Lindita Nikolla gjatë një takimi me të rinjtë e Samitit Studentor FRESSH, që po mbahej te Piramida në Tiranë.
Ruko është ftuar në emisionin “Zonë e Lirë” në TV Klan, e cila theksoi se në aktin simbolik të ndërmarrë nga Lëvizja “Për Universitetin”, kundër Reformës në Universitet, kanë marrë pjesë 10 pjesëtarë të lëvizjes. Ajo tha se vendimi për të ngjyrosur ministren, nuk mu dha mua specifikisht, por ai u mor në grup.
“Unë e vendosa perësonalisht vetë për të bërë një gjest të tillë, jo nga pezmi personal, por si shenjë simbolike ndaj shurdhërisë së institucioneve ndaj ne studentëve që s’kemi mundësi ekonomike për të vazhduar më tej ciklin studimor”, tha ajo.
Ndër të tjera, Ruko tha se erdhën punonjësit e Gardës së Republikës dhe më tërhoqën zvarrë. Ajo tha se personi që ka bërë videon, ka menduar që të shpëtojë filmimin, prandaj ky çast nuk shihet.
Shiko videon:
