Është përfshirë nga flakët këtë të mërkurë kati i gjashtë i një apartamenti të një pallati mbrapa Presidencës. Si pasojë e ngjarjes banorët e pallatit janë evakuuar, ndërsa zjarrfikësit ndodhen në vendngjarje.
Sakaq, mësohet se nga tymi të paktën dy gra pësuan gjendje asfiksie dhe u dërguan me ambulancë drejt spitalit, për ndihmë mjekësore. Flakët tashmë janë vënë nën kontroll ndërsa e gjithë ngjarja ka shkaktuar panik te personat që ndodheshin në pallat.
Paraprakisht dyshohet se zjarri ka rënë për shkak të një shkëndije elektrike nga një kondicioner. Megjithatë autoritetet kanë nisur hetimet për të përcaktuar shkaqet e plota të ngjarjes.
