Video/ Zihet me të dashurën, e hedh në shinat e trenit

Një zënkë e momentit për pak sa nuk është kthyer në një tragjedi për një çift të rinjsh në Britaninë e Madhe. Sipas videos së publikuar nga Daily Mail, djali pasi është zënë me vajzën e ka hedhur këtë të fundit në shinat e metrosë. Videoja e cila zgjat 7 sekonda u filmua nga personat e pranishëm në platformën e stacionit Chorlton Metrolink, në Manchester. E gjithë ngjarja duket se filloi kur personi që mendohet se është i dashuri i vajzës, ishte duke flirtuar me një femër tjetër dhe pikërisht në atë moment vjen e dashura, e cila nuk e ka përmbajtur dot veten dhe e ka sulmuar atë. Ajo e goditi atë disa herë në fytyrë, para se ai ta shtyjë atë drejt linjës së tramvajit. Fatmirësisht në ato çaste asnjë tren nuk ndodhej në shina dhe vajza arrin të shpëtojë prej andej shëndosh e mirë.