Emisioni Opinion i transmetuar në TV Klan ka si temë të mbrëmjes debatin mes Presidentit Nishani dhe kreut të Bashkisë së Tiranës, Erion Veliaj në lidhje me ndërtimin e këndit të lojërave në Parkun e Liqenit.
Zheji tha në studio se qoftë Presidenti, si dhe kryetari Veliaj kanë një faull aty, pasi nuk protestohet kur ndërtohen pallate shumëkatëshe, këtu është një hipokrizi, por mos mendoni se opinioni publik nuk e kupton këtë qasje.
Ai është një park i korrigjuar, ne duhet të largohemi sa është e mundur, për aq sa i përket hipokrizisë së mjedisit.
Kjo është të zgjedhësh Stalingradin, aty ku nuk ka Stalingrad.
Kjo nuk është beteja jetike për opozitën. Qëndrimi zyrtar i Presidencës që thotë se do shkoj prap tek parku i kalon kopetencat e institucionit, pasi ai nuk zgjidhet nga votat e qytetarëve, krejt ndryshe, nga kreu i bashkisë që zgjidhet drejtpërdrejt nga qytetarët.
Por më lejoni t’i kthej përgjigje Shkullakut edhe pse me vonesë.
“Unë kam thënë këtë gjë nëse do të shikoja Prokurorin e Përgjithshëm, Presidentin dhe kryeministrin duke pirë verë në një tavernë unë, do thoja, se ky vend është në diktaturë, por kur shoh konflikt mes tyre, mendoj se nuk ka dakordësi mes tyre, them se ky konflikt është i shëndetshëm për shoqërinë”, tha Zheji në Opinion.
