Të gjendur përballë listës së kryesisë së Re të Partisë Socialiste dhe debateve që ka krijuar përmbajtja e kësaj liste, pyetja që ngrihet a është a ofron kjo listë një realitet të ri?
Analisti Zheji e ka ndarë këtë listë në dy rrafshe kryesore. “E para që duket është se Partia Socialiste po rinovohet. Kush e sheh pozitivisht, ndryshe nga Blushi, nuk e shikon si pushtim por si ripërtëritje. Është një proces dialektik. Në këtë listë Blendi Klosi dhe Pandeli Majko janë lajmi më pozitiv. Unë shikoj këtë gjë. 9 të parët me përjashtim të Majkos, janë të rinj që bëhen maturë, pra që kalojnë nga ekipi Shpresa te Kombëtarja e madhe. Gramozi i siguron Ramës ekuilibrin midis pjesës së vjetër dhe të re. Dhe siguron disa ekuilibra, dhe thotë që kur jam unë interesat e tua janë të siguruara.
Rrafshi i dytë është se kemi një pushtim nga të rinjtë, nga rilindasit. Rama mban Gramoz Ruçin dhe Xhafën për të thënë që të vjetrit janë pjesë e kryesisë së PS-së”.
