Autobusi i që do të përdorë Kombëtarja për lëvizjet në finalet e Euro 2016 do të ketë edhe një slogan. Faza e parë e propozimit të varianteve të mundshëm ka përfundaur edhe tani janë tre.
Thirrja e Tifozave Kuq e Zi; “O sa mirë me qenë shqiptar”!, vargjet e Naim Frashërit; “Ti Shqipëri më jep nder”! dhe “Fluturo shqipe” janë ata që janë përzgjedhur nga UEFA për fazën e dytë.
Në këtë rast do të jenë përsëri vizitorët e faqes zyrtare të UEFA-s që do të vendosin për sloganin që do të vendoset në autobusin e kuqezinjve. Gjithkush mund të votojë për të preferuarin. Njëri prej tyre, Ti Shqipëri më jep nder, është edhe në fanelën e re të Kombëtares. Slogan fitues do të shpallet më 2 maj për të qenë mesazhi i parë që do të marrin tifozët dhe skuadrat rivale në momentin që Kombëtarja do të shkojë në stadium.
Tv Klan
