Gabriel Jesus mund të jetë ylli më i shndritshëm në këtë moment i skuadrës së Pep Guardiola, por duket se braziliani ka akoma nevojë të udhëhiqet nga mamaja e tij, të cilën mund ta shihni në fotografinë kryesore dhe atë të mëposhtmen, duke e pritur lojtarin brenda hotelit. Sulmuesi i talentuar ka shënuar golin e tij të parë për “Citizens” në fitoren 4-0 të marrë kundër West ham të mërkurën, duke lënë në stol një yll si Sergio Aguero.
19-vjeçari është përshtatur shumë shpejt me jetën në Mançester falë ndihmës së mamasë së tij. Mamaja e Jesus, në fakt, ka shkuar për ta marrë djalin nga hoteli “Radisson Blu” ku ai po qëndron aktualisht, para se futbollisti të shkonte drejt makinës luksoze të tipit Range Rover, që po e priste atë jashtë hotelit. I veshur me tuta adidas, Jesus nuk është dukur shumë i kënaqur dhe është futur menjëherë në makinë.
Për sa i takon fushës, Guardiola e di mirë se Jesus mund të vetëm të përmirësohet, por shpërthimi i brazilianit mund t’i japë fund aventurës së Aguero-s te Manchester City. Për herë të parë që nga 2011-ta, viti kur ai u transferuar te “Qytetarët”, argjentinasi duhet të luftojë për një vend si titullar, por burime afër klubit kanë bërë të ditur se 28-vjeçari ndihet shumë mirë në “Etihad” dhe se nuk ka ndërmend të largohet.
