O tani, o kurrë. Will Smith e ka bërë të paharrueshme 50-vjetorin e lindjes së tij. Aktori i famshëm ka hipur në helikopter dhe është hedhur me një litar-llastik nga një lartësi e madhe. Will realizoi lojën ‘Bungee jumping’ në Grand Canyon, ndërsa shikohej nga familja e tij dhe miqtë.
Ai ndau momentin e bukur, po aq sa edhe të frikshëm, në kanalin e tij në YouTube. Smith shihet duke bërë kërcimin me litar nga helikopteri ndërsa çdo çast është detajuar në video.
“Nga terrori, në ekstazë”, – ka komentuar aktori në rrjetet sociale, videoja e të cilit ka marrë miliona klikime në rrjet.
Para se të hidhej aktori dukej nervoz por gjithçka ndryshoi pasi realizoi ‘Bungee jumping’. Gruaja Jada Pinkett Smith dhe tre fëmijët e tij Trey, Jaden dhe Willow po e vëzhgonin, së bashku me mikun e tij Alfonso Ribeiro.
