Kjo është historia e një miqësie perfekte. Tashmë bëhen 2 vjet që pula e quajtur Monique dhe i zoti i saj, francezi Guirec Soudee 24 vjeç, lundrojnë së bashku në të gjithë globin. Të dy kanë krijuar një lidhje të ngushtë marinarësh.
Monique e kalon kohën kryesisht duke admiruar pamjen dhe duke bërë ndonjë vezë. Ajo është adaptuar plotësisht me jetën në det. Guirec nisi udhëtimin e tij në maj të 2014 nga bregdeti i Afrikës perëndimore e më tej në Karaibe dhe në Antarktidë. Desha të merrja një kafshë tjetër me vete, thote Guirec, mendova të merrja një mace, por do me duhej të kujdesesha shumë për të, ndërsa pula Monique, nuk do fare kujdes nga unë, madje me jep dhe vezë të freskta në det. Ajo më dëgjon dhe me ndjek nga mbrapa kudo ku shkoj, mjafton ta thërras “Monique!!” dhe ajo vjen menjëherë. Faza tjetër e udhëtimit pas Groenlandës është drejt Arktikut, ngushticës së Beringut dhe Alaskës.
