Policia ka finalizuar operacionin “Gracka”, duke arrestuar një person që vidhte garazhet e Tiranës. Pas kallëzimit të bërë për një tentativë vjedhje, efektivët e Komisariatit numër 3 në Tiranë kanë organizuar një grackë, duke arrestuar në flagrancë 41-vjeçarin E.P. nga Kavaja, i cili edhe më parë ishte dënuar për vjedhje.
Dyshohet se ky shtetas është autori i të paktën dy vjedhjeve të mëparshme, ku ka vjedhur kondicioner, zinxhirë gomash, vegla pune dhe ka dëmtuar derën e një mjeti.
“Vijon puna për dokumentimin e ngjarjeve të tjera, duke u bazuar në pamjet filmike. Materialet në ngarkim të shtetasit E. P., i kaluan Prokurorisë për veprën penale “Vjedhja” parashikuar nga neni 134 i Kodit Penal”, njofton policia./Opinion.al
https://www.facebook.com/1502420603377639/videos/802910803410492/
