Mesfushori shqiptar që aktivizohet me Livornon ka qenë sot në qendër të vëmendjes të të gjitha mediave italiane
Futbollisti ka publikuar për pak orë në profilin e tij në “Instagram” një video ku shfaqet duke arritur një shpejtësi të frikshme me makinë në autostradë
Ndonëse e ka fshirë videon nga profili i tij, ajo ka mbetur e memorizuar në google dhe po transmetohet në të gjithë portalet.
Sipas mediave italiane, Armando Vajushi tashmë rrezikon një masë drastike nga klubi ku aktivizohet në Serie B.
Ai ka udhëtuar me makinën e tij me shpejtësinë 270 km/h në autostradë, në sfond me muzikë në maksimum.
Ky është Armando Vajushi, 25 vjeçari nga Shqipëria, në pronësi të Chievo, i huazuar te Livorno në Serie B.
Vajushi gjithçka e ka xhiruar me kameran e celularit të tij, për ta publikuar më pas në profilin e tij në “Instagram”, duke bërë “tag” të dashurën dhe duke shtuar frazën: “Diku në zemrën time”.
Vetëm pak orë më pas Vajushi ka hequr nga profili i tij videon. Por imazhi shokues i shpejtësisë së lartë ka mbetur i memorizuar në google.
Tashmë Vajushi rrezikon një masë të rëndë disiplinore nga ana e klubit të Livornos, që i bashkëngjitet edhe krizës së rezultateve dhe një pozicioni të vështirë në klasifikim.
