Italia është vendi më i goditur nga koronavirusi në Europë. Me mbi 21 mijë raste të konfirmuara dhe 1,441 viktima, Italia u cilësua nga OBSH-ja si vatra e re e koronavirusit në botë pasi Kina duket se është drejt rekuperimit të plotë.
Për përballimin e situatës, qeveria italiane e ka vendosur të gjithë vendin në karantinë. Megjithëse panorama duket e trishtë, italianët nuk kanë lejuar që t’ju ulet morali. Videot e tyre në ballkonet e banesave duke këndruar e kërcyer kanë bërë xhiron e mediave botërore këto ditë.
Një mbështetje të vecantë për Italinë ka zgjedhur Presidenti Turmp. Ai ka postuar një video në rrjetet e tij sociale ku tregohen 9 avionë të cilët fluturojnë pranë njëri tjetrit duke bërë një manovër të qiell e cila lë mbrapa tym në tre ngjura, e kuq, e bardhë dhe jeshile, duke formuar kështu flamurin e Italisë.
“Shtetet e Bashkuara e duan Italinë”, shkruan Trump.
Manovra ajrore është kryer nga Grupi i Trajnimit Akrobatik i Patrullës Kombëtare të Forcave Ajrore Italiane.
Me dhjetë aeroplanë, nëntë prej të cilave janë në formacion dhe një solist, ata janë patrulla më e madhe akrobatike ajrore në botë, dhe programi i tyre i fluturimit, që përfshin rreth njëzet akrobaci që zgjasin rreth gjysmë ore, i bëri ata të famshëm dhe të njohur si një nga patrullimet më të mira ajrore akrobatike në një nivel ndërkombëtar. /Opinion.al
THE UNITED STATES LOVES ITALY! pic.twitter.com/DESUJ4QM41
— Donald J. Trump (@realDonaldTrump) March 14, 2020
