Një video tronditëse ka qarkulluar këto ditët në rrjetet sociale, duke treguar se si një infermiere dhunon në spital, një foshnjë 4 ditëshe e cila qëndron në shtratin e saj duke fjetur.
Pamjet janë marrë nga kamerat e sigurisë, të cilat kanë regjistruar momentin kur infermierja bullgare Emiliya Kovacheva shkon në dhomën në të cilën janë vendosur foshnjat dhe dhunon në mënyrë brutale të porsalindurën Nicole Dimitrova. Rasti ka shkaktuar shumë indinjatë në Bullgari, ndërsa pamjet e tmerrshme po bëjnë xhiron e botës.
Infermierja është arrestuar, ndërsa para Gjykatës u shfajësua duke thënë se kishte vepruar në atë mënyrë pasi humbi durimin. Ajo ishte në punë përgjatë gjithë 24 orëve pa pushim.
Gjykata vendosi lirim me kusht për infermieren. Qindra protestues u tubuan para godinës së Gjykatës, për të kundërshtuar këtë vendim, ndërkohë që zemërim të madh ka pasur edhe në rrjetet sociale. Fatmirësisht foshnja arriti të mbijetonte pas një ndërhyrje kirurgjikale nga mjekët e spitalit Tokuda. Vërejtje video ka përmbajte të rëndë./Express
