Skandali që lidhet me Shtëpinë e Fëmijës në Shkodër, u bë publik vetëm dy ditë më parë, pas njoftimit të Prokurorisë së rrethit, e cila ditët e fundit ishte sinjalizuar nga institucioni i Avokatit të Popullit, për abuzime ndaj fëmijëve nga personeli i kësaj qendre.
Opinion.al shfaq një video tronditëse në lidhje me atë se çfarë ka ndodhur realisht aty. Nga pamjet e ofruara, mësohet se drejtoresha e këtij institucioni, përgjatë komunikimit me fëmijët e vegjël, i pyet ata se cfare thane ne hetuesi në lidhje me ngjarjen e ndodhur.
Duke lënë të kuptohet se skandali i përmendur nga institucionet përkatëse është nxitur nga inati personal i disa fëmijëve që kohë më parë kishin jetuar në këtë jetimore.
Si më poshtë vijon biseda e plotë:
Drejtoresha: Ti nuk e di se ke qenë e vogël, por muhabeti ka qenë krejt ndryshe, një djalë i rritur që tani nuk është më këtu, ka kryer një veprim të keq, e ka ngacmuar Xhinën.
(Në bisedë ndërhyn një djalë i vogël për të shpejguar atë që ka ndodhur. Por, aty dëgjohet ndërhyrja e drejtoreshësh që më tepër se këshillim është një presion psikologjik ndaj atij për të mos pranuar fajin)
Drejtoresha: Kujdes! Mos thuaj se e kam bërë unë, por lerja Bekimit, se pse Bekimi nuk mundet me u mbrojt, nuk mundet me fol.
(Drejtoresha pyet një fëmijë të vogël nëse i ka rastisur për të dëgjuar bisedën se çfarë ka ndodhur aty në të vërtetë)
Drejtoresha: Ku e ke dëgjuar?
Vajza e mitur: Poshtë shkallëve, e dëgjova duke i thënë Xhinës se nëse guxon me tregu, do ta shikosh se çfarë do të bëj, ngjitja fajin Bekimit se ai nuk mundet me fol. Sapo dola unë me i thënë se pse po flisnit kështu, ky Mirjani u ngjit lart, kur unë e pyeta Xhinën se pse je duke folur kështu, ajo më tha se nuk e kemi fjalë për atë por për diçka tjetër.
Drejtoresha: E mohoi Xhina
Vajza e mitur: Unë i thashë Xhinës se e di unë, ajo më tha çfarë di ti. I thashë për Mirjanin se doni me ja ngjit fajin Bekimin, por ajo më tha jo, nuk e kemi për atë.
Drejtoresha: Ashtu ka dalë faktikisht.
Drejtoresha: A të shkonte mendja ty Xhul? E kape se kush është?
Drejtoresha: Faktkeqësisht ato janë inate personale të fëmijëve me mua, ata kanë qëndruar dhjetë vjet këtu, kanë mbyll klasën e nëntë dhe nëse do kishin dëshirë me vazhdu këtu do qëndronin, por ata kanë pasur edhe inat me mua, pasi unë i kam larguar. Ju që jetoni këtu i kuptoni këto gjëra. Ligji kështu është, edhe po të dua unë nuk mund t’i mbaja ata aty.
