Vazhdojnë të vijnë detaje të reja për ngjarjen e kobshme të ndodhur sot në Vlorë, ku në një banesë në lagjen “1 Maji” u gjetën të pajetë nënë e bir. Sipas raportimeve të para shkak për humbjen e jetës së Saklie Hoxhallarit (73) dhe Novruz Hoxhallarit (43) duket se shkak është bërë një bombol gazi që ka shpërthyer gjatë natës. Bombola sipas familjarëve përdorej për ngrohje. Trupat e dy familjarëve që kanë humbur jetën janë gjetur në mëngjes të karbonizuar çka rrit dyshimet për një shpërthim të mundshëm. Një tjetër pistë është edhe kontakti që mund të ketë pasur bombola e gazit me sobën me dru. Ndërkohë që trupave nuk është bërë akoma ekspertiza mjeko-ligjore. Po sipas të afërmve tragjedia mund të ishte më e madhe, pasi në banesë ka pasur edhe persona të tjerë. Por të qarat e fëmijës bënë që i ndjeri Novruz Hoxhallari të largojë nga shtëpia djalin e tij të vogël dhe bashkëshorten e tij.
