Një tjetër gafë e presidentit amerikan, Joe Biden është bërë virale në rrjetet sociale. Gjatë takimit me kryeministrin indian Narendra Modi, i cili udhëtoi në Shtëpinë e Bardhë të enjten, Biden u duk se ngatërroi hyrjen e himnit kombëtar indian me himnin kombëtar të SHBA-së dhe vendosi dorën mbi zemrën e tij në një pjesë të këngës së huaj.
Pavarësisht njoftimit se himni indian do të ishte i pari që do të luhej, i ndjekur nga himni i SHBA-së, Biden ngriti dorën në zemër sapo filloi muzika.
Pasi nisi muzika dhe u bë e qartë se kënga nuk ishte “The Star Spangled Banner”, Biden shfaqet në video duke ulur ngadalë dorën nga gjoksi. Gjatë gjithë kohës, kryeministri indian qëndroi pranë tij, duke shqiptuar fjalët për himnin e vendit të tij.
Pasi u luajt himni i SHBA-së, Biden e vuri shpejt dorën përsëri mbi zemrën e tij dhe e mbajti atje derisa kënga mbaroi.
Kritikët e Presidentit Biden reaguan ashpër në “Twitter”./Opinion.al
