Kryeministri, Edi Rama në fund të ndeshjes ndaj Zvicrës shprehet i zhgënjyer për rezultatin. Ai është i mendimit se barazimi do të ishte rezultati më i drejtë për atë që lojtarët dhanë në fushë.
Në një prononcim për “Super Sport” nga Franca, kreu i qeverisë shqiptare më tej tha se, “dukej sikur luanim në shtëpinë tonë”, nga atmosfera e krijuar nga tifozët e pranishëm në stadium.
“Fakti që jemi këtu, është vetë rezultati. Pas një ndeshjeje si kjo thua pse nuk morën një rezultat të mirë. Nuk duhet humbur besimi çfarëdo që të bëjnë ata janë heronjtë tanë. Nuk duhet t’i lëshojmë për asnjë moment kur e sheh nga jashtë është e kollajshme të humbës ato raste të dalësh me karton të kuq apo që arbitri të mos japë 11metërsh”, përfundon Rama.
Intervistën e Ramës në përfundim të ndeshjes e prishi një tifoz që me sa duket bindjet e tij politike nuk ishin të ngjashme me ato të kryeministrit. Tifozi shqiptar ngriti pas shpinës së tij dy gishtat, veprim të cilin e përsëriti dy herë.
