Një 35-vjeçar në Durrës ka përfunduar në pranga, pasi ka tentuar që të korruptojë një efektiv të Policisë Rrugore.
Duke mos pasur dokumente të rregullta për automjetin që drejtonte, ai ka tentuar t’i shpëtojë masave administrative duke i ofruar një shumë të hollash policit që e ndaloi.
“Gjatë monitorimit të akseve rrugore me qëllim parandalimin e aksidenteve dhe përmbushjen e parametrave të sigurisë në rrugë, shërbimet e Policisë Rrugore të Durrësit kanë ndaluar automjetin me drejtues shtetasin S. V. Në momentin që punonjësit e Policisë i kanë kërkuar dokumentacionin e automjetit, ky shtetas iu ka ofruar para atyre, sepse nuk i kishte dokumentet e automjetit.”
Policia e ka proceduar në gjendje të lirë për shtetasin me inicialet S. V., për veprën penale “Korrupsioni aktiv i personave që ushtrojnë funksione publike”.
