Video/ Tan Hoxha: Ja kush është Balili dhe lidhjet e tij me politikën

Gazetari i kronikës se zezë Artan Hoxha ka sjellë në Opinion edhe një profil të Klemend Balilit, personit i cili cilësohet si Eskobari i Ballkanit dhe lidhjeve të tij politike në Shqipëri. “Prokuroria e ka hetuar por nuk e ka çuar për gjykim. Klement Balili dhe vëllezërit e tij vijnë nga fshati Siar i Delvinës. Njihen që në zonë kanë autoritet. Nipi i tij është aktualisht kryetari i Bashkisë së Delvinës dhe ka fituar me 73 për qind të votave dhe janë njerëz që kanë autoritet. Ka qenë kandidat i LSI-së por ka kandiduar edhe më herët për opozitën e sotme dhe ka humbur me rezultat të thellë . Ky personazh humb pas atij votimi dhe shfaqet sërish në vitin 2009, por këtë radhë duke ndryshuar bindjen politike. Në vitin 2010 ka marrë në pronësi ish Kampin e Punëtorëve dhe mesa di unë është dhënë edhe me miratim të Ministrisë së Ekonomisë, pra ka qenë pronë e sindikatave. Fillimisht e ka marrë me qera dhe po me një vendim po të Ministrisë së Ekomonisë që ka qenë aleat i LSI-së ia ka dhënë objektin këtyre personave dhe sot është një nga komplekset më të mira sot në Shqipëri”