Anija, Arvin, është fundosur në brigjet e provincës Bartin të Turqisë në Detin e Zi, raportojnë mediat turke.
Guvernatori i qytetit Bartin në Turqi, Sinan Güner njoftoi se të gjithë personat në bord ishin ukrainas.“Moti në zonë është shumë i keq” tha fillimisht guvernatori, më pas njoftoi shpëtimin e 6 nga 13 anëtarë të ekuipazhit.
Güner tha se operacionet e shpëtimit ishin duke u zhvilluar pavarësisht nga kushtet e këqija të motit. Ai shtoi se anijeve civile u ishte kërkuar gjithashtu për të ndihmuar.
Ministria turke e Mbrojtjes konfirmoi se kishte vendosur një anije turke për të ndihmuar në operacionet e shpëtimit.
Erërat e stuhishme dhe reshjet e mëdha të dëborës po godasin zonën ku ndodhi mbytja e anijes sot./Opinion.al
