Studentët e Mjekësisë po protestojnë para Kuvendit, teksa paralelisht po zhvillohet seanca plenare, ku po diskutohet projektligji i qeverisë për vendimin e Këshillit të Ministrave i cili thotë se studentët e mjekësisë do të marrin diplomën pasi të kenë punuar pesë vite në Shqipëri.
Në të kundërt studentët që do të refuzojnë të firmosin marrëveshjen do tu duhet të paguajnë studimet me tarifat e reja që do të vendosen nga Këshilli i Ministrave.
“Unë nuk dua të largohem por nuk dua që punësimi im të jetë i detyruar aty ku do shteti. Po na merret peng Diploma. S’mund të jemi peng i shtetit dhe të duhet të shkojmë atje ku na caktojnë. Kjo do të thotë që kthehemi pas në kohë dhe nuk jemi më në demokraci” tha një studente.
Studentët kërkojnë tërheqjen e pr/ligjit tejka paralajmërojnë bojkot të vitit të ardhshëm akademik.
“Nëse shohim që ky pr/ligj do të bëhet ligj për 15 ditë jemi gati të shkojmë drejt bojkotit të vitit të ardhshëm. Nuk mund të jemj dakord për pengmarrjen. Po shkojmë para kuvendit pasi ata po marrin vendime pa na pyetur ne. Nuk pr/ligj nuk është diskutuar me ne”-tha një studente.
