Emisioni “STOP” në TV Klan, ka transmetuar mbrëmjen e sotme, aktivitetin e një guroreje e cila ushtron aktivitetin e saj pa leje mjedisore, por si për të mos mjaftuar vetëm ky fakt, aktiviteti në fjalë, po shkatërron edhe një pronë private.
Ngjarja ka ndodhur në Finiq të rrethit Sarandë, Mimoza Muça, ankohet se firma Shameti Sh.p.k, po i shkatërron pronën.
Kompania ka nisur aktivitetin që në vitin 2005, duke marrë një leje përkatëse, por në 2014 Ministria e Ekonomisë e ka revokuar këtë leje.
Referuar Muçës, ky territor ka 134 bashkëpronarë me një vërtetim hipoteke nga Zyra e Rregjistrimit të Pasurive të Paluajtshme Sarandë.
Ndërkohë pronari i firmës, në një debat me zonjën Mimoza, i kërkon kësaj të fundit të japë para për investimet që ka bërë mbi pronën e saj.
Vetë pronari shprehet se nuk punohet në gurore, për shkak të revokimit të lejes mjedisore, por në të njejtën kohë, kamionët kalojnë të patrazuar në ritualin e përditshëm.
Video:
