Ish shefja e Doganave, Elisa Spiropali ka qenë e ftuar në emisionin ‘Oktapod’ ka folur edhe një herë tjetër në lidhje me deputetin e larguar nga PS Ben Blushi.
Spiropali tha se ikja e Blushit nga PS, ka bërë që kjo parti të humbasë diccka. Ndërkaq, ajo i ka qëndruar besnike versionit të hedhur pak ditë më parë në media, se Ben Blushi është një njeri që ka vetëm fjalën dhe jo vepra, sipas saj, ai ka pasur kohën për të ndryshuar gjërat, por që së ka bërë.
Përsa i përket marrëdhines Rama-Blushi, Spiropali theksoi: “Blushi ka mbetur akoma në Bulevard, Rama jo”. Më tej, biseda është ndalur edhe tek martesat gay. Spiropali tha se ky ligj duhet votuar në parlament.
Biseda nuk është ndalur vetëm në këto tema, por ajo ka folur edhe për të ardhmen e saj politike.
E angazhuar fort në strukturimin e anëtarëve të rinj të kryesisë së FRESSH-it, Spiropali tha se ka dëshirë të jetë pjesë e listave për deputet në zgjedhjet e 2017-së, por mbi të gjitha, një fakt të tillë e pret.
Dalngadalë, biseda me moderatorin e emisionit ‘Oktapod’, Turjan Hyskaj është ndalur edhe tek debati i ndezur me shumë bujë në rrjetet sociale pak kohë më parë në lidhje me tortën, ku për ditëlindjen e vajzës, ajo bashkë me bashkëshortin e saj, i kishin bërë një dhuratë vajzës së vogël një tortë me flamurin e PS sipër si dekuracion.
“E para vajza ime nuk e ka ditëlindjen në kohën kur doli fotoja, por ishte foto e para 6-muajsh, kur e sollën disa të rinj të Partisë Socialiste, dhe dhurata nuk kthehet. As që e mendoj të bëj unë diçka të tillë, thjesht ishte dhuratë”, tha Spiropali.
Shiko videon:
