Gjatë leximit të vendimit të Trupit Gjykues, i akuzuari për vrasjen qindra boshnjakëve, Ratko Mlladiç është përjashtuar nga salla e gjyqit. Kjo për shkak se ai u ka bërtitur gjykatësve në një situatë shumë të tensionuar.
Tribunali për krime të luftës i Kombeve të Bashkuara, është duke e shpallur aktgjykimin për ish-komandantin e forcave serbe të Bosnjës, Ratko Mlladiç.
I njohur si “Kasapi i Bosnjës”, Mlladiç është i akuzuar për genocid, krime kundër njerëzimit dhe krime të luftës. Pritet që vendimi të jetë dënim me burgim të përjetshëm.
Mlladiç akuzohet për ekzekutimin e 8 mijë burrave myslimanë në korrik të vitit 1995, që njihet si mizoria më e madhe e kryer në Evropë pas Holokaustit.
Vendimi për Mlladiçin do të jetë gjykimi i fundit nga tribunali që ishte themeluar në Hagë në vitin 1993 për dënimin e krimeve të kryera në luftërat ballkanike në vitet e 90-ta.
*Live nga gjyqi qe po mbahet aktualisht
