Përplasja e një mjeti tip “Smart” me të cilin udhëtonin dy vajza, ka rezultuar fatale për njërën prej tyre. Ngjarja ka ndodhur mbrëmjen e së shtunës në Kamzë, në rrugën “Demokracia”, kur mjeti i drejtuar nga 19-vjeçarja Deni Doku është përplasur me një automjet tip Mercedez.
Si pasojë e aksidentit ka ndërruar jetë pasagjerja që ndodhej në Smart 22-vjeçarja Alida Spahiu, ndërkohë që drejtuesja e mjetit është plagosur, por pa rrezikuar jetën.
Ajo është arrestuar nga Policia nën akuzën e “Shkeljes së rregullave të Qarkullimit Rrugor”.
Në një publikim në rrjetet sociale, 19-vjeçarja shkruan një dedikim për mikeshen e saj:
“Nuk e di nga t’ja nis dhe si t’flas për këtë person kaq të rëndësishëm për mua. Motra ime. Nuk e pranoj dot humbjen tënde . Me duket sikur po më pret në shtepi ashtu siç më prisje ti gjithmonë! Alida Ti je pranë meje , Ti do jesh gjithmonë pjesë e shpirtit tim. Pjesë e zemrës time e trupit tim . Je e pandashme , je pranë meje .
Gjithmonë do të mbetesh e tillë Alida ime, asgjë s’mund te na ndaje as ajo nate e zezë, as fati tmerrues, as ajo skëterrë që më tronditi fort. Asgjë. Je këtu me mua. U prefsh nëpaqe shpirt i bardhë. Jeta ime është e jotja dhe është mbyllur aty ku u përfundua e jotja. Lujla më e bukur e parajsës , të dua”.
Ndërkohë, në një video që është publikuar së fundi në rrjet shihet dhe momenti i përplasjes së dy mjeteve, në aksidetin që i mori jetën 22-vjeçares./Opinion.al
