Nuk ka javë që të mos ketë nga një video nëpër shkollat shqiptare ku shihen vajza të reja duke u zënë me njëra-tjetrën.
Në videon e fundit të publikuara në JOQ shihen dy vajza të cilat zihen me njëra-tjetrën në një prej klasave të shkollës “Sejfulla Malëshova” në Këlcyrë të Përmetit.
Është e turpshme se si këto vajza japin spektakël të shëmtuar përpara shokëve e shoqeve të tyre, ndërsa këta të fundit nuk duan t’ia dinë fare për to, por bëjnë sehir duke i parë. Madje, edhe kur dy-tre prej tyre tentojnë t’i ndajnë, ka të tjerë të cilët insistojnë ti shikojnë vajzat në sherr e sipër. Por, si mund të ndodhë një gjë e tillë në një institucion ku supozohet se vajzat e djemtë shkojnë për të mësuar e për të marrë edukatë, ku ka mësues dhe drejtor apo drejtoreshë, të cilët duhet të kujdesen për mirëqenien e tyre gjatë orëve mësimore?
Ky nuk është rasti i parë i degradimeve të tilla, por shpresojmë të jetë ndër të fundit dhe këta fëmijë t’i vënë gishtin kokës.
