Reperi i njohur kosovar, Gjiko, është në telashe. Vetëm disa javë më parë Gjiko dhe e dashura e tij, prezantuesja e njohur, Elita Rudi pushuan së bashku në ishujt Maldive. Gjatë pushimeve këngëtari për të treguar sa mirë po ja kalon në Maldive ka kapur një peshkaqen të vogël dhe ka bërë një video duke e postuar në instagram. Video është filmuar nga Elita, ndërsa në pamje duket Gjiko i cili e ka hedhur peshkaqenin e vogël fillimisht në rërë dhe më pas në oqean.
Kjo sjellje është cilësuar e papërshtatshme nga autoritetet vendore.
Shaff Naeem, një instruktor zhytës profesionist, ka publikuar videon e Gjikos, duke kërkuar gjithashtu nga të tjerët që ta shpërndajnë.
Poshtë videos ai ka shkruar….
“Këtu është një video e këngëtarit të famshëm nga Kosova reperit Gjiko i cili ka peshkuar një peshkaqen dhe e ka hedhur në rërë duke bërë foto me të, duke i postuar më pas në Instagram për të treguar sa i suksesshëm ka qënë me atë që ka bërë. Ju lutem shpërndani këtë video sa më shumë që të mundeni sepse ai bllokon çdo person që i komenton në Instagram. Unë kam marrë një telefonatë nga një numër i pa regjistruar për të mos përmendur emrin e resortit por ai është Kuredu Resort.”, shkruan ai.
E menjëhershme ka qenë përgjigja e resortit.
“Ne e kuptojmë tronditjen tuaj me këtë video, dhe ne mund t’ju sigurojmë se ne ishim në vendpushim po aq të tronditur kur u zbulua kjo video. Peshkaqeni u lëshua prapa në ujë, megjithatë, kjo nuk justifikon sjelljen tronditëse dhe mosrespektimin e treguar. Miku në fjalë është në listën e zezë të turistëve për një kohë të pacaktuar dhe ne do të ndihmojmë autoritetet lokale nëse ata dëshirojnë ta ndjekin çështjen.”
