Sot në Parkun Arkeologjik të Butrintit po hidhet beton. Në parkun mijëravjeçar, që mbrohet nga UNESCO, ka nisur ndërtimi i një bar-kafeje fare pranë një muri prehistorik 7 shekuj para Krishtit. Gazetarët e mediave të ndryshme nuk janë lejuar të filmojnë, por në mënyrë të fshehtë kanë filmuar punëtorë që hedhin beton për ngritjen e lokalit.
Punimet po bëhen në Akropolën e qytetit, pranë kullës Veneciane. Sipas UNESCO-s, brenda Parkut Arkeologjik nuk lejohet asnjë ndërtim, por drejtori i Parkut, Gjergji Mano, konfirmon se leja për objektin është dhënë nga Ministria e Kulturës.
