Zyrat dhe magazinat e një kompanie të prodhimit të produkteve ushqimore, në rrugën dytësore Vorë- Tiranë, u bënë pre e grabitjes nga të paktën 3 persona të maskuar.
Ende nuk dihet nëse ata kanë pasur armë apo jo, por grabitësit kanë hyrë nga muri i pasëm i magazinave. Me pas ata lidhen rojën dhe sipas policisë morën rreth 140 mijë lekë të reja nga kasaforta e kompanisë.
Hetimet e para të policisë kanë hedhur dyshimet se autorët mund të jene liruar vetëm pak kohë më parë nga burgu duke përfituar nga amnistia.
Në largim e sipër ata thyen edhe zyrat e një biznesi të portave automatike duke shkulur video regjistruesin e kamerave të sigurisë. Roja e biznesit tregon çfarë gjeti në mëngjes.
Në lidhje me ngjarjen policia ka marrë deklarimet e rojeve. Ata i thane policisë se personat ishin të maskuar dhe i kërcënuan e me pas i lidhen. Hetuesit kanë shoqëruar disa persona por deri më tani ende nuk ka ndonjë të dhënë për autorët e mundshëm.
