Lokale të mbyllura, rrugë dhe sheshe të zbrazura. Gjithçka brenda shtëpive, ndërkohë që autoritetet ndaluan edhe shitjen apo përdorimin e fishekzjarreve nga qytetarët.
Kështu u shënua fundi i vitit 2020 në Shqipëri, në një kohë jo të zakonshme dhe në një situatë pandemie.
Në një atmosferë të qetë, gjithsesi kryeqytetit nuk i kanë munguar dritat e fishekzjarreve, që këtë radhë janë organizuar vetëm nga Bashkia e Tiranës, ndërkohë që qytetarët kanë qëndruar brenda banesave.
Kjo situatë e bllokimit të lëvizjes dhe vendosjes së orës policore është vërejtur në fakt në disa vende të Europës, ku Covid vijon të jetë problematik./Opinion.al
