Video/ Shullazi shkon në gjykatë, por seanca shtyhet

Është shtyre për në orën 15:00 seanca gjyqësore ndaj Emiljano Shullazit dhe grupit të tij. Shkak është bërë mungesa e gjyqtares Irena Gjoka.
Në seancën e ditës së sotme ishte i pranishëm edhe vetë Emiljano Shullazi.
Prokuroria e akuzon 39 vjeçarin Shullazi për disa vepra penale.
Ai akuzohet si pjesë e një grupi të strukturuar kriminal që ka gjobitur tre bisnesmene Ylvi Beqja, Jani Zaka dhe Adriatik Këçuku.
Gjithashtu ndaj 39 vjeçarit rëndon edhe një akuzë tjetër ajo e kërcënimit.
Sipas organit të akuzës Shullazi dhe grupi i tij kanë kërcënuar për tu tërhequr nga gara kandidatin për rektor Mynyr Koni si dhe ka kanosur për shkak të detyrës rektorin Dhori Kule.
Përveç Emiljano Shullazit nën gjykim janë edhe shoku i tij Gilmando Dani, nipi Endrit Zela si edhe Blerim Shullazi e Endrit Qyqa.