Të burgosurit shqiptarë sfidojnë drejtësinë greke. Në mediat helene është publikuar një video, nga një qeli që thuhet se ndodhet në burgun famëkeq të Korridhalosë, e cila ngjan në fakt me një dhomë hoteli.
Në pamje shquhen qartë televizori satelitor, sistemi funksional i audios, shishet me pije të shtrenjta dhe kartëmonedha të pafundme me vlerë mijëra euro.
https://www.youtube.com/watch?time_continue=3&v=g5FKWPXt9_I
Kjo video ka sjellë reagimin e Ministrisë greke të Drejtësisë. Sipas Ministrisë greke, videoja daton në fillimin e këtij vitit, ndërsa disa javë më pas, organet greke të rendit asgjësuan të ashtuquajturën mafie shqiptare që sundonte brenda dhe jashtë ambienteve të këtij burgu.
“Nuk do të lejojmë sistemin e paligjshëm të mbizotërojë në burgje, ndaj do të ketë vazhdimisht një përgjigje vendimtare nga qeveria dhe nga gjyqësori”, thuhet në deklaratën e Ministrisë së Drejtësisë./Opinion.al
