Orare të limituara të lëvizjes gjatë së shtunës dhe bllokim krejtësisht i çdo aktiviteti gjatë ditës së dielë. Kanë qenë këto masat e reja të marra nga qeveria për të parandaluar përhapjen e mëtejshme të epidemisë së koronavirusit, por duket të pazbatuara në mënyrën e duhur.
Ndonëse kanë lëvizur në orarin e përcaktuar, qytetarët shqiptarë paraditen e së shtunës kanë neglizhuar porosinë kryesore të specialistëve: respektimin e distancave të qëndrimit me të tjerë. Në markete, furra buka apo tregje të fruta- perimeve janë parë lëvizje të dendura dhe radhë të ngjeshura të qytetarëve, që kërkonin të blinin ushqime për të siguruar edhe ditët kur marketet do të ishin të mbyllura, duke krijuar jo pak kaos.
Ndërkohë përballë këtyre imazheve të realizuara në Shqipëri, qëndrojnë videot e publikuara nga mediat italiane, si kjo video më poshtë e “Corriere della sera”, ku qytetarët qëndrojnë në radhë për 1, në distanca më shumë se 1.5 metër në pritje për të blerë produketet e nevojshme ushqimore./Opinion.al
