Një shpërndarës kokaine është arrestuar nga policia ditën e sotme. Ai është Kataldo Mulaj, 25 vjeç banues në Tiranë. Mulaj lëvizte me biçikletë teksa shpërndante drogë. Ky shtetas është kapur në Rrugën “Artan Lenja”, ku gjatë kontrollit fizik i janë gjetur dhe sekuestruar në cilësinë e provës materiale 2 doza me lëndë të dyshuar narkotike e llojt Kokainë, në momentin e ndalimit nga shërbimet e Policisë ky shtetas ka qënë duke udhëtuar me biçiklet.
Për këtë shtetas nga Specialistët e Seksionit për Narkotikët, disponoheshin informacione se kryente aktivitetin e jashtëligjshëm të shitjes së lëndëve narkotike, duke marrë porosi me telefon dhe dorëzimin e bëntë duke udhëtuar me biçiklet, me qëllimin e shmangjes së kontrolleve. Nga kontrolli i ushtruar në banesën e këtij shtetasi i janë gjetur dhe sekuestruar dhe 23 doza të tjera me lëndë të dyashuar narkotike e llojt Kokainë. Në cilësinë e provës materiale janë sekuestruar
– 25 doza me lëndë të dyshuar narkotike e llojt Kokainë, me peshë totale, 13 gramë – 2 aparate telefonik – Vlera monetare prej 128 900 Lekë të rinjë dhe 200 Euro (të cilat dyshohet të jenë burim fitimi nga shitja e lëndës narkotike) – 1 biçiklet.
