Një grup infermierësh kanë filmuar momentin kur qeshin dhe tallen teksa shtypin fytyrën e një bebeje të sapolindur, i cili qëndron në spital për t’u trajtuar për një infeksion. Videoja shokuesë është publikuar më pas në rrjetet sociale nga vetë infermierët.
Ngjarja e rëndë ka ndodhur në Arabinë Saudite ku tre pjesëtarë të stafit në spitalin e matermitetit në Taif të Arabisë Saudite janë pushuar nga puna sapo janë identifikuar.
Prindërit e fsohnjës janë ndjerë të shokuar kur kanë parë online videon dhe sjelljen e infermierëve. Njëri prej tyre e ka kapur foshnjën nga qafa dhe mizorisht shtyp fytyrën e fëmijës, ndërsa të tjerët shpërthejnë në të qeshura.
Abdulhadi Al-Rabie, zëdhënësi i Shëndetësisë në vend u shpreh lidhur me çështjen, se pas investigimeve të burimit të videos infermierët dhe spitali ku ka ndodhur ngjarja tashmë janë identifikuar. Infermierët janë hequr nga puna dhe u është ndaluar e drejta e uhstrimit të profesionit në sistemin shëndetësor të Arabisë Saudite.
https://youtu.be/A-8i7Nf8qvw
