Gazetari i nohur Armand Shkullaku deri pak ditësh drejtor i ABC NEWS ka dhënë një intervistë për gazetarin dhe botuesin Berat Buzhala në Kosovë. Ai ka folur për politikën dhe median, lidhjen dhe influencat.
Shkullaku është ndalur gjatë tek Kryeministri Rama, duke e cilësuar si politikan të korruptuar dhe si njeriun që mblodhi kriminelët në parlament.
Pyetje: A janë reale kritikat që i bëhen grupit Parlamentar të Partisë Socialiste që është një grup i inkriminuar, dhe që ka njerëz të përfshirë direkt në vrasje?
Shkullaku: Po, janë të vërteta. Sepse, siç po provon dhe koha, siç po dalin prova të prokurorisë, nga shërbimet e huaja. Është verifikuar që një pjesë e madhe e tyre, disa kanë dhënë dhe dorëheqjen dhe kanë ikur, një pjesë janë në burg, një pjesë janë shpallur në kërkim, një pjesë tjetër janë në arrest shtëpie apo kanë lënë detyrën. Pra nuk është një fantazi, është një realitet dhe nuk është rastësi që ka ndodhur kur mblidhen bashkë edhe i dënuari për drogë, edhe i dënuari për seks, edhe i dënuari për vjedhje, edhe vrasës, trafikant droge, etj, etj. Këta janë mbledhur, sepse Edi Rama nuk njeh mënyrë tjetër për të fituar vota.
Pyetje: A mendoni se Rama është politikan i korruptuar?
Shkullaku: Mendoj se po. Rama deri në 1998 ka jetuar si intelektual me rrogë modeste. Por edhe më vonë është paguar si kryetar bashkie apo si ministër me një rrogë 10 herë më të vogël si rroga ime. Atëherë si bëri shtëpinë (që nuk e besoi se kushtoi aq sa thotë ai), si vishet me rroga të shrenjta që ka 6-7 mijë euro veshje për një ditë. Mund të them se vjen rrobaqepësi nga Milano dhe i merr masat e i qep kostumet Ramës. Pra kryeministri i vendit më të varfër në Europë me rrobat më të shtrenjta.
*Më poshtë intervista në emisionin Komiteti
