Policia e Shtetit ka vijuar operacionin policor të koduar “Alpe të pastra”, të zhvilluar në Shkodër.
Bëhet me dije se në fazën e pestë të këtij opreracioni u angazhuan 40 forca policore dhe u përdorën 3 dronë, për kontrollin e territorit malor të disa fshatrave. Si rezultat i kontrolleve u gjetën dhe u asgjësuan në total 510 fidanë dhe 2760 bimë të dyshuara narkotike cannabis sativa.
Ndërkohë dronët, në fshatin Lotaj, kanë zbuluar një grua që po kujdesej për bimët narkotike. Nga verifikimet e kryera u bë i mundur identifikimi dhe shpallja në kërkim e Age Martinaj 65 vjeçe. Vijon puna për kapjen e saj.
Sakaq, kujtojmë se në ditën e parë të kësaj faze, u asgjësuan 460 bimë të dyshuara narkotike cannabis sativa që u gjetën të kultivuara në fshatin Lotaj, njësia adminstrative Shalë.
Në ditën e dytë të kësaj faze, u asgjësuan 2300 bimë të dyshuara narkotike cannabis sativa, që u gjetën të kultivuara në territorin e fshatit Pepaj, njësia administrative Shosh, si dhe 510 fidanë të mbjellë në kubikë./Opinion.al
