Një grup prej 25 personash u plagosën kur pesha e një turme studentësh bëri që një skelë të rrëzohej në një liqen të Wisconsin, thanë autoritetet.
Siç shihet edhe në videon e shpërndarë në rrjete sociale, duket momenti kur skela, e cila mbante 60 deri në 80 persona, u shemb në liqenin Mendota.
Një shembje e skelës në Memorial Union Terrace bëri që studentët të bien në liqenin Mendota në Madison rreth orës 2:35 pasdite.
Sipas The Badger Herald, pjesa fundore e bankës në formë L-je dukej se u rrëzua nga pesha e tepërt. Në një njoftim për shtyp, Departamenti i Zjarrfikësve të qytetit të Madison tha se midis 60 dhe 80 njerëz ishin në skelë kur u shemb.
Nuk ishte e qartë se sa njerëz u plagosën. Zyrtarët e zjarrfikësve thanë se një person është shtruar në spital dhe pesë të tjerë janë trajtuar me lëndime të lehta.
Një zëdhënës i policisë tha se rreth 20 deri në 25 persona pësuan lëndime të lehta.
Një zëdhënës i Memorial Union tha se skela tani është e mbyllur dhe se zyrtarët e universitetit po hetojnë mbi çështjen. Skela ishte planifikuar të hiqej të martën për shkak të përfundimit të verës.
Ekipi i shpëtimit të liqenit MFD hetoi zonën nënujore ku ndodhi kolapsi dhe konfirmoi se askush nuk ishte bllokuar apo mbytur./Opinion.al
Six people were hurt, with one taken to hospital, after a pier in Madison, Wisconsin, collapsed during Labor Day celebrations on Sept. 4. https://t.co/bA4iYuRBEh pic.twitter.com/dh1CSUMXVJ
— ABC News (@ABC) September 5, 2023
