Të paktën 10 persona, përfshirë tre fëmijë, u vranë kur çatia e një kishe u shemb në veri të Meksikës.
Shembja ndodhi të dielën pasdite me orën lokale, ndërsa rreth 100 njerëz po merrnin pjesë në një pagëzim në kishën Santa Cruz në Ciudad Madero.
Gjashtëdhjetë persona u plagosën, të paktën dy prej tyre në gjendje të rëndë, dhe dhjetëra u bllokuan nën rrënoja.
Banorët vendas nxituan drejt ndërtesës me lopata dhe kazma në përpjekje për të çliruar të bllokuarit.
Ekipet e kërkim-shpëtimit kanë mbërritur menjëherë në vendngjarje, ndërsa dy vinça janë në vend për të hequr mbeturinat.
MEXICO: Church collapses during baptism ceremony in Ciudad Madero, killing at least 5 people. Dozens more still trapped pic.twitter.com/FPAJokHr2L
— BNO News (@BNONews) October 1, 2023
Punonjësit e shpëtimit përdorën kamera termike për të siguruar që askush të mos mbetej nën rrënoja.
Nuk është ende e qartë se çfarë mund të ketë shkaktuar kolapsin, por kryebashkiaku i Ciudad Madero tha se ndoshta ishte për shkak të “dështimeve strukturore” të ndërtesës.
Ángel Vargas, prifti që po kryente pagëzimet kur ndodhi kolapsi tha se një ditë festimi ishte kthyer në një tragjedi.
“Ata erdhën për të kërkuar parajsën për të vegjlit dhe gjetën përjetësinë. Unë dua që familjet të gjejnë paqe. E gjithë kjo është e pakuptueshme.”
Gazetari vendas Franc Contreras tha për programin Newsday të BBC World Service se kolapsi ndodhi në një moment kyç në shërbim.
“Njerëzit u rreshtuan për të marrë kungimin – sigurisht që është një lloj kulmi i meshës katolike – dhe ky ishte momenti kur çatia ra mbi ta”.
