Drejtuesi i Exit.al, Neritan Sejamini është shprehur të hënën në lidhje ARMO-n se nga pikëpamja e biznesit që në fillimet e kësaj kompanie nuk ka pasur asnjë leverdi ekonomike.
Sejamini thekson se në vitin 1999 ARMO u nda, Albetroli ngeli në vete dhe për pjesën e rafinimit dhe shitjes së naftës u krijua kompania e quajtur ARMO.
Ai deklaron se ARMO është një kompani nëse nuk furnizohet nga Benkers me naftë, nuk ka asnjë vlerë ekonomike.
Sipas tij, kjo është një artificë që qeveria e krijoi në vitin 1999.
Shiko videon:
Sejamini bëri me dije më tej se i gjithë fitimi i ARMO-s, është fitimi i Albetrolit. Ai theksoi se oferta që ka bërë Rezart Taçi për t’a blerë 120 milion euro është absurde, pasi nuk ka asnjë sens biznesi.
Shteti në vend që ta merrte fitimin direkt nga Albetroli, filloi të marrë një pjesë edhe nga ARMO. Teknologjia e ARMOS është një teknologji e shkatërruar nga çdo pikëpamje. Por shteti e mbajti për arsye të ndryshme shoqërore.
