Një makinë tip “Benz” në Unazë ka ndaluar autobusin-urban të linjes plot me pasagjerë pasi ky i fundit nuk e la të parakalojë.
Nga video e publikuar, kuptohet se makina i është futur në parakalim urbanit duke i zënë gjithë rrezen e veprimit për ta ndaluar që të mos vazhdojë më tej udhëtimin e tij, pavarësisht se në të ishin dhjetra qytetarë që kishin paguar edhe biletën e transportit publik.
Pamjet tregojnë se makina tip “Benz” i është futur kryq autobusit duke e detyruar të ndalojë në mes të rrugës, por mbi të gjitha, udhëtarët janë detyruar të zbresin nga mjeti i transportit publik, për të hipur në një tjetër autobus të linjës së Unazës, kundrejt një pagese tjetër.
Mësohet se asnjë nga udhëtarët nuk ka lajmëruar policinë me idenë për të shmangur një konflikt të mundshëm.
Kjo ngjarje e pazakontë që ndodh në rrugët e kryeqytetit, të le për të kuptuar, jo vetëm nivelin kulturor dhe qytetar që kanë drejtues të ndryshëm të mjeteve automobilistike në vend, por akte të tilla, dëshmojnë se sa shpesh ndjehemi të rrezikuar për jetën në këtë vend.
