Një avion rus Il-76 u rrëzua menjëherë pas ngritjes, ndërsa 15 persona ndodheshin në bord.
Videot e postuara në Platformën X tregojnë avionin në flakë, ku pilotët përpiqen që të largohen nga zona e banimit. Ende nuk dihet fati i 15 pasagjerëve të avionit, i cili mësohet se po kryente një fluturim stërvitor.
Sipas Ministrisë së Mbrojtjes së Rusisë, në bord kishte “tetë anëtarë të ekuipazhit dhe shtatë pasagjerë”.
“Më 12 mars rreth orës 13:00 me orën e Moskës, një avion transporti ushtarak Il-76 u rrëzua në rajonin e Ivanovës pasi u ngrit për një fluturim të planifikuar. Në bord kishte tetë anëtarë të ekuipazhit dhe shtatë pasagjerë. Sipas raportit të parë nga vendi i rrëzimit, shkaku i përplasjes ishte një zjarr që përfshiu një nga motorët në momentin e ngritjes”, thuhet në një deklaratë të Ministrisë së Mbrojtjes Ruse.
Avioni ishte nisur nga aeroporti Ivanovo, afër Moskës. Përplasja vjen vetëm disa javë pasi një avion IL-76, për të cilin Moska pretendonte se mbante 65 robër lufte ukrainas , u rrëzua në një rajon rus në kufi me Ukrainën. Rajoni i Ivanovës ndodhet më shumë se 700 kilometra nga kufiri me Ukrainën.
Un aereo russo da trasporto militare si è schiantato a Ivanovo (Russia)
Si tratta ✈️ dell’IL-76.
A bordo c’erano 12 persone.
L’aeroporto in fiamme…
Dicono che durante il volo abbia perso un motore ed altro preso fuoco 🔥 #DefendDemocracyAidUkraine #StandWithUkraine pic.twitter.com/aXDFhnLmyu— VADYM 🇺🇦🌐🇮🇹 (@VadymVietrov) March 12, 2024
