Mbrëmë u luajt ndeshja e kthimit të fazës së 1/8-ave te Uefa Champions League mes Napolit dhe Eintracht Frankfurt, ku tifozët e këtyre të fundit nuk u lejuan të hynin në ambientet e stadiumit italian. Megjithatë ata “bënë namin” jashtë tij.
Të pranishëm ishin rreth 600 ultras të skuadrës gjermane, të cilët shkatërruan çdo gjë që i dilte përpara në rrugët e Napolit. Ata vazhduan deri në sheshin Jesu ku u bllokuan nga policia.
Pati gjithashtu përplasje edhe me forcat e rendit, ku tifozët hodhën ndaj tyre gurë dhe mjete piroteknike. Si pasojë u dogj një makinë policie, ndëersa pati dëme të mëdha në shumë automjete të tjera dhe dyqane në atë zonë.
