Ky është momenti i tmerrshëm kur një roje plazhi rrëzoi një të ri nga një dërrasë zhytjeje 10 metra e lartë në Austri.
Raportet e dëshmitarëve okularë pohojnë se një i ri që qëndronte në majë të platformës refuzoi të zbriste, kështu që u hodh brutalisht nga shkalla e lartë nga rojtari i pishinës.
Pasi dy roje të tjerë i kërkuan të riut që të zbriste dhe të mos rrezikonte duke qenë se kishte frikë, roja tjetër ndërhyri duke i bërë gjërat me forcë dhe i rrezikoi jetën.
Sipas botimit austriak OÖNachrichten, për këtë rast janë dyke u kryer hetime brenda kompanisë.
Në një deklaratë të Steyrer Stadtbades – autoriteti përgjegjës për pishinën ku ndodhi incidenti – konfirmohet se roja punonte për kompaninë e tyre dhe hodhi me forcë një burrë nga trampolina.
Ai nuk do të lejohet të punojë në pishinën specifike ku ka ndodhur ngjarja dhe është pezulluar nga puna për pjesën e mbetur të sezonit veror, por mund të punojë në një filial tjetër.
‘Puna e rojeve të plazhit është të garantojë sigurinë e klientëve. Prandaj është shumë për të ardhur keq që i riu u përfshi në këtë rast. Ne po bëjmë gjithçka që mundemi për të qenë të pastër nga rrethanat’, tha kompania.
Pas takimit me pushuesit e pishinës që ishin të pranishëm në atë kohë, SBS gjithashtu kërkoi falje për ‘gabimin’ e bërë nga roja i pishinës./Opinion.al
