Kryeministri Edi Rama pasi është kthyer nga Vlora ka pasur një takim informal me kryetarin e bashkisë së Fierit Armando Subashin ku ka inspektuar prishjen e disa objekteve në qendër të qytetit.
Por gjatë kësaj kohe njëri prej qytetarëve ka bërtitur me zë të lartë në drejtim të kryeministrit me fjalët “Keni perëndi, apo s’keni perëndi”. Qytetari ishte i shqetësuar për objektin e tij anës lumit Gjanica.
Ai tha se kryeministri i kishte thënë se nëse nuk kishte dokumente do ia prishte ndërtesën. Qytetari tha se ai kishte leje për objektin por hipoteka ka bërë pisllëqe dhe e ka nxjerrë pa leje.
