TIRANE- Fatmir Xhafaj, që drejton Komisionin e posaçcëm parlamentar të Reformës në Drejtësi, bëri me dije se ka thirrur mbledhjen e radhës për paraditen e të premtes, duke shfaqur shenja optimizmi për rikthimin e opozitës. Por demokratët i bënë me dije se çështja është më e komplikuar nga sa mendon Xhafaj.
Optizmi i Xhafës lidhej me vendimin e mazhorancës për t’i dërguar Gjykatës Kushtetuese mandatet e socialistëve Leskaj dhe Suli, një nga kushtet e vendosura nga opozita për t’u rikthyer në Komisionin e Reformës në Drejtësi.
Por Arben Ristani i bëri me dije se çështja është pak më e komplikuar. Sipas tij, opozita do të vazhdojë të mbajë një marrëdhënie të kushtëzuar me parlamentin, pasi nuk është vetëm ccështja e mandateve por edhe aktet nënligjore për dekriminalizimin.
Xhafaj nuk pranoi të deklaronte nëse mazhoranca do të vazhdojë punën në Komisionin e Reformës në Drejtësi edhe pa opozitën, nëse kjo e fundit nuk merr pjesë në mbledhjen e të premtes. /Abcnews
