Gazetari Blendi Fevziu ka reaguar ashpër në rrjetet sociale, lidhur me ngjarjen e rëndë të vrasjes së efektivit të policisë së Kosovës dhe sulmit me armë që po ndodh në manastirin e Banjskës.
I veshur kuq e zi, duke vënë theksin në integritetin territorial të Kosovës në këtë ngjarje, Fevziu shprehet se është momenti që policia e Kosovës të ndërhyjë shpejt “për t’i treguar çdo agresori që Republika e Kosovës është e paprekshme dhe është zot i territorit të saj.
Gazetari e ka cilësuar këtë ngjarje aggresion ushtarak ndaj Republikës së Kosovës.
“Nuk bëhet fjalë për një organizim të kriminelëve dhe trafikantëve lokalë, por për një njësit të stërvitur, me plan të qartë. Nuk dihet ende kombësia e tyre, por cilado qoftë ajo, Kosova ndodhet përpara nje agresioni kriminal. Ky agresion duhet te ketë vetëm një përgjigje: Eleminimin e plotë të njesitit dhe identifikimin e dërguesve te tyre. Kujdesi i vetëm duhet të jeteë mos ketë dëme kolaterale në njerëz që nuk janë perfshirë dhe nuk kanë lidhje me kriminelet”, shprehet gazetari mes të tjerash./Opinion.al
